Ka një debat të fortë në lidhje me këtë temë, nëse televizori i takon dhomës së gjumit apo duhet hequr për të shmangur kontradiktat para gjumit mes çifteve.
Amanda Gibby Peters, një drejtuese e një kompanie interior design jep disa arsyetime që lidhen si me pjesën e arredimit në dhomën e gjumit, po ashtu edhe me shëndetin në përgjithësi.
Pyetja nëse një televizor duhet të qëndrojë në dhomën e gjumit nuk ka një përgjigje të drejtë apo të gabuar. Ashtu si me të gjitha idetë për dhomën e gjumit, kjo është një zgjedhje personale. Por, shumica e ekspertëve të dizajnit nuk e miratojnë idenë e mbajtjes së televizorit në dhomën e gjumit për arsye mirëqenieje të përgjithshme.
“Së pari, ne duhet të marrim parasysh qëllimin kryesor të dhomave të gjumit. Ne përdorim ngjyra qetësuese dhe dizajne të rregullta sepse e konsiderojmë si një hapësirë ku pushojmë dhe rimarrim energjitë për ditën tjetër dhe një televizor nuk ndihmon në këtë mision,” thotë Hannah Yang, praktikuese e Feng Shui-t (një pseudoshkencë me origjinë nga Kina, e cila përdor forcat energjike për të harmonizuar individët me mjedisin rrethues).
Ekspertët janë të mendimit se shumica e pajisjeve elektronike janë sende që nuk duhen vendosur kurrë në një dhomë gjumi, sepse ato krijojnë një estetikë të rrëmujshme që nuk sjell aspak qetësi.
Studime tregojnë se një gjumë i mirë gjatë natës është domosdoshmëri për një shëndet më të mirë, ndaj të gjitha pajisjet elektronike si tabletat, telefonat inteligjentë dhe kompjuterët nuk duhet të jenë në dhomën e gjumit, pasi drita blu ndikon në cilësinë e gjumit.
“Drita blu nga ekranet, përfshirë edhe televizorin mund të ndërhyjë në ritmet tona cirkadiane, orët biologjike dhe në shëndetin e përgjithshëm. Ekranet mund të shkaktojnë edhe ankth,” shton Yang.
Sipas profesionistëve të arredimit, jo vetëm në aspektin estetik, por edhe në atë të shëndetin, televizori dhe çdo pajisje tjetër në dhomën e gjumit janë një rrezik alarmi për gjendjen mendore dhe fizike, në atë hapësirë që pretendohet të jetë tempulli i relaksit dhe qetësisë./hej.al