Koleksioni i stilistit britanik Kim Jones merr frymëzim nga statujat klasike të Romës teksa epoka e nostalgjisë së viteve ’90 po kalon rrjedhën e saj. Disa nga femrat më me stil që stilisti britanik Kim Jones sheh në rrugët e Romës teksa ecën në studion e dizajnit Fendi janë mbi 2000 vjeçare.
Statujat klasike të Romës ishin muzat e Jones për shfaqjen Fendi që nisi javën e modës në Milano së bashku me 62-vjeçaren Silvia dhe 36-vjeçaren Delfina Fendi, gratë e brezit të tretë dhe të katërt të familjes me të cilat ai punon.
Eleganca e përjetshme është sërish në modë teksa epoka e nostalgjisë së viteve ’90 po kalon rrjedhën e saj. Jones e përshkroi hirin e ngadaltë të statujës së Romës, me rrobat e saj të gjata elegante dhe supet e zhveshura prej mermeri, në fustane të thjeshta pa mëngë me gjatësi të plotë. Pa mbulesë, vetëm një linjë e gjatë në një pëlhurë të hollë të thurur që valëvitej mbi trup.
Pamjet e pasarelave kishin një ajër të lakmueshëm të vetëbesimit: vetëm një fustan i bukur, një pallto e lehtë dhe një palë këpucë klasike me takë të mesme. Disa nga modelet mbanin doreza për një prekje zonjash. Jones i bëri gratë të shkonin në pasarelë me një ritëm të qetë, në vend të goditjes së furishme që është bërë norma e javës së modës.
Fendi ishte shfaqja e parë e madhe në pasarel për javën e modës në Milano. Ndërsa shfaqja më e shumëpritur e javës është Gucci, ku dizajneri i ri Sabato de Sarno bën debutimin e tij të premten.
