Disa fjalë na vijnë në mendje menjëherë nëse duam të përshkruajmë stilin e Kate Holmes: i këndshëm, i pastër dhe elegant. Thuajse në çdo dalje të sajën publike apo edhe gjatë ecjeje të zakonshme gjatë ditës, Kate e ka elegancën e përjetshme një standard të pashmangshëm dhe duket se e bën pa shumë sforcim.
Tonet neutrale, shpesh kombinohen me aksesorët e guximshëm duke tjetërsuar stilin në një qasje sa moderne, aq edhe praktike.
E fotografuar ditën e djeshme në New York, Holmes zgjodhi këpucët tipike të pranverës që me siguri do të kthehen në një trend: këpucët me thurje (espadrilles). Një tendencë që pritet të fitojë më shumë popullaritet me kalimin e ditëve, por e sigurt është që këto këpucë janë praktike dhe kombinohen me gjithçka, nga fustanet tipike me lule të verës, te xhinset, pantallonat e gjera, minifundet etj.
Ja disa ide për këpucët me thurje edhe për ju!
