Të shikosh një VIP si fermer, lopçar, apo kooperativist, është gjëja më e çmendur që pritet të ndodh në muajin Mars në Shqipëri. “Ferma- vip” një patentë të cilën tashmë e zotëron producentja Holta Dulaku dhe televizioni Vizion Plus, do të kthejë përmbys gjithë rregullat dhe skemat e reality show-ve që jemi mësuar të ndjekim deri tani.
Ende pa nisur spektakli dhe ende pa dhënë një deklaratë askush nga stafi realizues, për fermën po flitet shumë. Dhe në fakt me të drejtë. Të mjelësh lopën të çash dru dhe të punosh me lopatë do të jenë disa nga skenat e përditshme që do ti shikojmë 24 orë në televizion… por këtë herë jo nga njerëzit e thjeshtë por nga vipat. Imagjinoni pak se përse mund të zihen VIP-at tanë vendosur në këto rrethana të jashtëzakonshme. Një pyetje përmes një fotografie, për të zbuluar njërin prej personazheve misterioz që do të jetë pjesë e “Ferma- Vip”, ka bërë që të vërshojnë përgjigjet nga ndjekësit.
Bes Kallaku, Sinan Hoxha, Olti Curri, Luiz Ejlli, Robert Aliaj, Ismet Shehu, McKresha…”, kanë shkruar ata.
Këto kanë qenë vetëm disa nga supozimet e audiencës së Instagramit e TikTokut, që nuk e di ende ç’e pret, vetëm për njërën nga fotografitë e paidentifukuara që, me sa duket, i ka hapur rrugën hamendësimeve për banorët e “Ferma- Vip”, reality show-t më të ri që producentja Holta Dulaku duket se po kuron në detaje, për t’i dhënë formën e një ‘jete’ që, përditë e më shumë, duam t’i afrohemi të gjithë.
Nga burimet tona VIP-at që do të futen në “Ferma”, janë personazhe që njihen nga publiku dhe marëdhënia e tyre me audiencën ka qenë e gjatë. Ka një arsye se përse VIP-at nuk kanë hezituar të futen në këtë reallity show. Të jesh në pozicionin e një njeriu që punon, është një rol që nuk i bën keq askujt. Zbërthimi i personalitetit të tyre nëpërmjet punës është një dimension i pashfaqur më parë në Shqipëri. Formula e spektaklit parashikon se; Ata nuk mund të rrijnë asnjë minutë kot!. A nuk është kjo një sfidë spektakolare që josh audiencën?
Quiz-et për personazhet femra të këtij formati që vjen për herë të parë në Vizion Plus nuk kanë nisur ende.
Ngelet vetëm të kërkojmë herë pas here, për ti zbuluar vetë në quiz-in e rradhës… L.C. Hej.al