Shkencëtarët arritën në përfundimin se gratë që pinë kafe në moshën e mesme kanë më shumë gjasa të plaken shëndetshëm.
Analiza e tyre, e prezantuar në takimin vjetor të Shoqatës Amerikane për Ushqyerjen, zbuloi se gjatë 30 viteve të ndjekjes, gratë që pinin rreth tre filxhanë të vegjël kafeje me kafeinë në ditë kishin më shumë gjasa të ishin fizikisht aktive dhe pa probleme kronike shëndetësore.
Studime të tjera kanë identifikuar një sërë përparësish për pinësit e kafesë – duke ulur rrezikun e tyre për gjithçka, nga diabeti i tipit 2 deri te vdekja nga kanceri i zorrëve.
Kjo do të thotë që gjetjet e reja janë në përputhje me “konsensusin e vjetër” mbi përfitimet shëndetësore të kafesë.
Si përfundim kafeja ka, për shumicën, më shumë efekte pozitive sesa negative shëndetësore.
A ka rëndësi lloji i kafesë, kur e pini?
Nga vijnë përfitimet shëndetësore të kafesë?
Kafeja është e pasur me përbërës që kanë veti anti-inflamatore, siç është acidi klorogjenik, i cili gjendet edhe në lakër jeshile dhe mollë.
Këto përbërës mund të përmirësojnë metabolizmin tonë dhe mënyrën se si trupat tanë rregullojnë nivelet e insulinës, sipas Fondit Botëror të Kërkimit të Kancerit.
“Kafeja përmban përbërës antioksidues dhe gjithashtu mund të ulë inflamacionin, duke stimuluar qarkullimin e gjakut”, thotë Lu Qi, drejtor i Qendrës së Kërkimit të Obezitetit në Universitetin Tulane në SHBA.
Por jo të gjitha pijet me kafeinë janë të njëjta, dhe mbushja e kafesë me sheqer dhe qumësht mund të përkeqësojë çdo përfitim.
A ka rëndësi koha kur e pijmë kafenë?
Konsumi i vonë i kafesë mund të prishë ritmin cirkadian, ose orën e brendshme biologjike, e cila ndihmon në rregullimin e metabolizmit të njerëzve dhe sasinë e ushqimit që ata hanë, sugjeron studimi.
Por gjetjet kanë disa kufizime, përkatësisht se faktorët e jashtëm mund të ndikojnë në rezultate. Për shembull, ata që pinë kafe në mëngjes mund të kenë më shumë gjasa të kenë punë që e bëjnë më të lehtë të qëndrojnë të shëndetshëm, pavarësisht nga zakonet e tyre të kafeinës.
A ka ndonjë rrezik shëndetësor nga kafeja – dhe sa është e tepërt?
“Nuk ka një vijë të qartë ndarëse”, tha Qi, por ai sugjeron që njerëzit të pinë në nivele “të moderuara” prej dy deri në tre filxhanësh në ditë.
Lloji i kafesë gjithashtu ka rëndësi. Kafeja e pafiltruar, siç është kafeja e zier suedeze dhe kafeja ekspreso, përmban diterpene, të cilat janë substanca që rrisin kolesterolin tek njerëzit. Por kafeja e filtruar nuk i përmban ato, sipas Institutit Karolinska.
A është kafeja e mirë për të gjithë?
Me një fjalë, jo. Qi tha se njerëzit me presion të lartë të gjakut ose probleme me gjumin mund të duan të rishqyrtojnë marrjen e kafeinës, sepse “varësia nga kafeja mund të ndikojë negativisht në sisteme të caktuara, siç janë çrregullimet kardiovaskulare dhe të gjumit”.
Mjekët gjithashtu rekomandojnë që gratë shtatzëna të kufizojnë marrjen e kafesë me kafeinë për të zvogëluar rrezikun e abortit dhe rezultateve të dobëta të lindjes.
Kafeina qëndron në gjak për shumë më gjatë, gjatë shtatzënisë, dhe disa studime tregojnë se në shumë raste mund të lidhet me peshë të ulët në lindje, lindje të parakohshme ose lindje të foshnjës së vdekur.
Ndërkohë, në një studim tjetër, Mahdavi zbuloi se gjenetika mund të luajë një rol në mënyrën se si kafeja ndikon në shëndetin e njerëzve, që do të thotë se ata me tolerancë më të ulët ndaj kafeinës mund të duan të përmbahen nga pirja e tepërt.
Cili është përfundimi?
Shumica e njerëzve mund ta shijojnë filxhanin e kafesë së mëngjesit, duke e ditur se është e sigurt dhe ndoshta edhe një pjesë e shëndetshme e rutinës së tyre.
Por nëse dikush nuk pi kafe tashmë, provat nuk sugjerojnë se duhet ta fillojë këtë zakon për arsye shëndetësore.
Dhe edhe nëse kafeja ofron disa përparësi, ato nuk krahasohen me përfitimet e një diete ushqyese dhe ushtrimeve të rregullta. L.C.Hej.Al
