Ikona e ndjerë e muzikës, Amy Winehouse, ka lënë gjurmë të përjetshme në botën e tingujve me zërin unik dhe jetën e saj të paparashikueshme që kishte.
E për të përshkruar copëza nga jeta e saj artistike e personale, së fundmi ka debutuar një film biografik i titulluar “Back to Black”.
Me yllin e “Industry” Marisa Abela në rolin e Winehouse dhe me regji nga Sam Taylor-Johnson , që ka qenë regjisor i filmave të suksesshëm “Nowhere Boy” e “Fifty Shades of Grey”, “Back to Black” është prodhuar nga Nicky Kentish-Barnes, Ron Halpern dhe Joe Naftalin për Studiocanal dhe Alison Owen dhe Debra Hayward për Monumental Pictures nga një skenar i shkruar nga Matt Greenhalgh.
“’Back to Black’ është një vështrim i paparë ndonjëherë në ngritjen e hershme të Amy Winehouse në famë dhe publikimin e albumit të saj novator në studio, “Back to Black”, thuhet në promon prezantuese të filmit.
Një valë reagimesh pasoi me shpejtësi, në mediat sociale duke i përshkruar imazhet si “revoltuese”. Para se të bëhej publik klipi i “Back to Black”, ndjekësit e Winehouse ishin tashmë në gatishmëri të lartë ndaj perspektivës se një film për jetën e saj mund të sensacionalizonte elementët e tij më tragjikë dhe të shfrytëzonte historinë e saj.
Është e kuptueshme që fansat duan të mbrojnë këngëtaren dhe trashëgiminë e saj. Gjatë jetës së saj, imazhi i Winehouse-it, konsumimi i drogës dhe alkoolit dhe marrëdhëniet e saj u sulmuan në mënyrë rutinore nga shtypi – pavarësisht nga vlerësimet e saj të shumta si artiste.
Në vitin 2009, Winehouse fitoi një urdhër kundër agjencisë Big Pictures, sipas Ligjit për Mbrojtjen nga Ngacmimet 1997. Ajo ishte gjithashtu gruaja e parë që fitoi pesë çmime Grammy dhe vazhdon të jetë një artiste me ndikim të jashtëzakonshëm, duke frymëzuar megayjet e popit Adele, Lady Gaga dhe Billie Eilish. Vetëm 13 vjet pas vdekjes së saj, mundësia për të parë disa nga momentet më tragjike të Winehouse të gërmuara sërish në ekran, duke përfshirë shfaqjet ku ajo ishte e dehur. /hej.al
